من فن الزجل ” ب لوغت الوقت “..بقلم الزجال المغربي خالد الضاوي..

ديوان * ب لوغت الوقت * خالد الضاوي
..
زجلية ” ب لوغت الوقت “”
…
تخلطات بكرع كلب مع الدخلة تفرشات
لفقيه دخل بالنعالة والجامع يلاه تبنات
ولفو لمحاضرة الضل ضل الشجرة
ها الكرموس ها شكون ݣالها ليك أحفات
أنقميو العين وجوه بمدرة تنذبات
الحر ف أحمامنا احلم تظلم
شحال من شوك أيدݣ
شحال باقي من دكات
أحمامكم غراب عل لقلوب اجثم
والنسر حاضي لوزيعة فين تبات
وقتاش انفيقو من هذ الحلم
الحلم انكونو أنحرو هذ الذات
وقتاش أنخيطو جروح لحناك
نهرسو السناسل انهدمو لقلعات
شكون الشهيد الاول الميت الاول
شكون لباقي قلبو لعزبات
روينة ف كوزينة ب لوغت الوقت
الخنقة راها تقودات
ولا لقواد عادة
كيف لي شغل ضو لوهام
كيف لحمام لي طار مع الزهير
شد التنافس زاد ف عمر الظلام
كيف السبوعة فالدرهم
شاد ف محݣن الخاتم حالفة لشبعات
صندوق السبع يكفن بياض
وسط العزاية فين العين سرحات
حي او ميت هذ امنادم
لي باقي حي كثرو ليه الجلبات
ها المحرك خيل خيل
عودي حران وعودك علافتو تلفات
خلا المدود وكلا روث البكرات
رضع من لحمار شلا قطرات
شرب بول الناݣة على حد الجرعات
كل ما نعس أوفاق يصبح يزمم
ها لحقوق فين مشات
لمطرقة فديه ايݣول شحال معايا جات
روينة فكزينة بلوغت الوقت
الخنقة لقوادة راها تقودات
.وقتاش انفيقو من هذ الحلم
المحلوبة حليب والمعصورة دم
الحلم الحلم حالمنناه
انكوون شلا شلا من مرات
أجي انشفعو ف السكات
أنسامحوا هذ الفم عل لي فات
اجيو أجيو نتحررو
أنحرروا هو هذ الذات.
…..
..