الفنان أسامة رمزي يعاني من “القلق النفسي” “مخنوق و صدري مزير” و صامد غيلان يطلب من المغاربة إظهار حبهم لأسامة..

منذ أيام نشر الفنان أسامة رمزي على صفحته الرسمية بأنستغرام تدوينة، تظهر معاناته مع مرض الإكتئاب جاء فيها :

بغيت نشارك معكم واحد القضية و سمحولي غا نخوي عليكم شوية حيت يمكن كاين اللي عايش نفس الحاجة خصوصا فهاد المرحلة و كلشي كايتجمع عليك هادي أكثر من شهر و نصف تقريبا وانا عندي مشكل فالتنفس ما كانقدرش ناخد النفس كامل و كانحس بصدري مزير عليا و مخنوق و فاش كانبغي نتنفس كانحس براسي غادي نتخنق و بالتالي قلبي كايبدا يضرب بجهد و الوسواس مرضني فصحتي فوق ما ممكن تتصورو و ديال بصح أثر عليا لا فالنعاس اللي ديال بصح ما بقيتش كانعرفو لا فالدوايات اللي كاينفخوني عاد زيد عليها الأعصاب و التوتر و المشكلة بزاف ديال الاطباء قالو ليا هادشي اللي عندك هو حالة قلق نفسي و التفكير السلبي كايوصلك لتوتر العضلات ، المشكلة الكبيرة أنني واعي بزاف بهادشي ولكن هادشي مسيطر عليا فوق القياس لمجموعة من الأسباب ماشي ضروري نشاركها هنا لكن الفكرة اللي بغيت نوصل ليكم هي ما تستاهنوش بنفسيتهم كيفما ما تستاهنوش باللي نفسيتو محطمة و حاولو تلقاو اللي يرفه عليكم و اكتشفو حوايج جداد فيكم و طبيعي أنك تحس بقلق و خوف و توتر غير ما تخليهش يسيطر عليك . المرحلة اللي وصلت ليها كانطلب ربي ما يوصل ليها حتى شي واحد و عارف عندي القدرة و القوة ندوز هادشي إن شاء الله دعواتكم معايا و صافي وردوا البال لراسكم يمكن هادشي اللي خويت ينفسني شوية ولكن بغيت نشاركم هادشي غير باش نقول ليكم النفسية مهمة بزاف عاونو بعضياتكم إيلا قدرتو و عاونو راسكم حتى هو المهم.

و قام الصحفي و المنشط الإذاعي صامد غيلان بمؤازرة أسامة من خلال تدوينة على نفس المنصة، يطلب من الجميع إخبار أسامة أنهم يحبونه و جاء في التدوينة :

أنا كنبغيك
خاصنا نبينو شوية ديال الإمتنان للناس لي حتى هوما كيبغيونا، و أسامة كايحب المغاربة كاملين. حطو تصويرتو عندكم و قولوهاليه.


شاهد أيضا
تعليقات
تعليقات الزوار
Loading...